今日放假，去剝大牙。剝o個時當然冇乜事啦，局部麻醉架嘛，係間唔中一兩下少少痛，同聽到D「聲音」咁囉。話時話，局部麻醉消除痛覺就係人都知啦，之但係會唔會消除埋壓力感覺呢？唔……唔……
剝完，牙醫開左D止痛藥，初時我心諗：少少痛頂得住o既，唔使食止痛藥啦。慢慢D麻醉藥藥力過左……我認輸。其實剝牙途中都緊張架，話晒係第一次，所以我不斷同自己講：大肚婆生仔痛過而家好多好多好多啦，我呢D小兒科，唔使咁緊張～～咁諗個人真係定返D，不過麻醉藥過左之後點諗都唔得。雖然唔係十分痛，但持續痛住搞到個人冇晒心機，做鬼都唔靈。
o係呢度奉勸各位未剝而又要剝大牙o既朋友，講多D大話，慳返千幾二千蚊，又唔使咁痛！
聽日仲要返工。超級唔想返。
沒有留言:
發佈留言